جني الخاتم بين الحقيقة و الخيال

بسم الله الرحمن الرحيم
اعزائي ..
نعم لقد دخلت هذا العالم العجيب والمخيف في بداية الامر.انه عالم ممتع حقا واتحدى الذين يقولون غير ذلك .كانت البدايه مع احد الاصدقاء حينما حصلنا على مجموعة من الخواتم من احد الاشخاص .اخذنا هذه المجموعة من الخواتم وذهبنا الى البيت ونحن لا ندري اي منها نختار..( لان صاحبها قال انا ما ادري اي منها فيه جن ) وبعد ان بقيت لديناهذه المجموعه لمدة يومين وقع نظري على واحد منها فقررت ان اشتريه وفعلا اشتريت ب عشرون ر.س ولكن صديقي رفض ان يأخذ شيء من هذه الخواتم . مع العلم انها رخيصه جدا وجميعهافضه ولن يجد فضه بهذا السعر .
الان هناك مشكله كيف استخدمها؟ سألت نفس الشخص اللي اشتريت منه الخاتم قال لي شوف حط الخاتم في موية ورد وبعدين في اليل حط الخاتم تحت راسك ونام وقل لي وش راح تشوف سويت الطريقه وشفت العجب والله العظيم شفت رجل ضخم وبدون راسك( يعني ما كنت اقدر اشوف راسه) كتوفه عريضه وشفت ولد صغير جميل جدا له عينان واسعتان كان يناظر فيني ويبتسم ماسك بيده على ما اعتقد براد شاي شكله غريب .المهم فتحت عيني وحسيت بتنميل في كل جسمي ومسكه قويه تمسك بأكتافي بصراحه خفت وقمت من فراشي ولما قمت راحت المسكه والتنميل اللي كان في جسمي شلت الخاتم وبصراحه خفت لدرجة انه ما جاني نوم ذيك اليله.علمت الرجال اللي شريت منه الخاتم وعلمت صديقي صديقي يبفى يجرب الحين والرجال يقول كل اللي حصل يدل انهم ارتاحو لك ( يعني الجن )
واصل وصدقني ما فيه مشكله راح تدعي لي. المهم لبست الخاتم ورحت وجيت وانا كلي نشاط غير طبيعي .جاء اليل نمت والخاتم في يدي . شفت حفله تقريبا حفلة زواج والله واعلم .الناس اللي كانوا فيها ما اذكر وجه واحد منهم اذكر يديهم واذكر بعض الكلمات اللي كانوا يرددونها في الحفل .وكانوا يتكلمون اللغة العربيه .
تطورت الامور وصرت مبسوط واقسم بالله انهم ما ضروني بأي شيء . بالعكس أصبحت اجداشيائي المفقوده بسرعه وكأنه واحد يدلني عليها . وفيه حاجه ما علمتكم عنها
وهي اني سألت اللي باع علي الخاتم كيف اشوفهم أكثر قال لي روح الى السامري... ولا اسمع سامري عندك في البيت وقوم العب ؟؟؟ والله سويت الطريقه عندي في البيت مع احد الزملاء المهم كان يطلع من الارض بخور شيء غريب بصراح وقفنا نناظر الارض يطلع منه بخور !!!
الريحه ريحة عود وما هو اي عود ريحه والله العظيم ما شميت اطيب منها في حياتي المهم رجعت اواصل اللعب ( الرقص على السامري )وكنت انظر الى زميلي وكان نظره مخطوف لا يرمش ومشدود نظره الى اتجاه معين ( عند رجولي )وقفت وجلست ابغى أشوف وش السالفه ؟؟؟لما جلست جتني ظربه على فخذي ما ادري كيف جت وكانه واحد يقول لي لا توقف كمل الرقص . خفت وطفيت المسجل وشلت الخاتم من اصبعي وسالت زميلي وش فيك ؟؟؟ قال انا شفت اشياء غريبه اشياء تدور عندرجليك واشياء تطير والبخور زاد والريحه ولا اطيب والاشياء اللي تدور لونها اسود تقريبا ثم تختفي . والاشياء اللي تطير بعضها طويل وبعضها قصير ...
طبعا انا بقول لكم هاذي كلها جن ..طالعين من الخاتم المهم كملنا وكانت ليله ولا احلى .
طبعا احب انبه عليكم ان بعض الخواتم او الفصوص فيها ضرر على صاحبها يعني مو اي خاتم تأخذه لازم تكون عارف كل شيء عنه ممكن يكونون شياطين وهذا النوع يضرك .
الجن يختلفون في القوه . كنت في يوم من الايام جالس مع أحد الاصدقاء وكان معاه خاتم وكان يقول لي ان اللي فيه قويين ( الجن اللي في خاتمه )المهم كنا نسولف في بعض الامور وشد الكلام بيننا وانا بصراحة زعلت منه وشديت معاه في الكلام وهو شد معي في الكلام ا
(( كل منا لابس خاتمه ))قمت ورحت وخليته المهم الرجال له ثلاثه ايام ما سمعت صوته بعد ذيك الجلسه وش السالفه ؟؟؟ اليوم الرابع اتصل علي وقعد يسب ويلعن ؟؟ سألته وش السالفه قال خاتمك قلت وش فيه قال انا مريض لي ثلاثة ايام والسبب اللي في خاتمك قويين!!!! سالته كيف قال اللي في الخاتم معاك شيوخ من شيوخ الجن .(هذا النوع لايحب النجاسه وهوخير لصاحبه بأذن الله )
والله ياناس يا عالم ما ادري عن صحة كلامه.
المهم انا شريته ب20رس واليوم يسام بألفين ريال ومع كذا ما راح أفرط فيه .واللي يبغاه هو نفس الشخص اللي انا شريته منه ؟؟؟؟؟!!!!
والله العظيم ان الكلام صحيح وصار معي شخصيا . بس انا انتظر اني اتكلم معهم واكتشف هذا العالم الغريب اكثر فأكثر .
واختم قولي ( ( سبحانك اللهم وبحمد اشهد الا اله الا انت استغفرك واتوب اليك ) )


( الله واعلم ) منقول

أعزائي, لقد نقلت لكم الموضوع و أنا في شك من مصداقيته, هناك أمور و بالذات الخفية منها تلعب المبالغة دورها الكبير, أرجوا القراءة و الرد للفائدة

موضوع جميل بس ياريت يكون حقيقى

مشكوره يعيطك العافية بارك الله فيك

مشكوره يعيطك العافية بارك الله فيك

الله تعالى اعلى واعلم

مشكور يعيطك العافية بارك الله فيك على هذه القصص

خذ خاتمك الى ناس يعرفون ومتخصصين بالخواتم واعرف السر شـــــــــــــــكرا

احسنتم

بارك الله فيك وجزاك الله خير